काठमाडौं । नेपालमा पछिल्लो २४ घण्टामा सात हजार चार सय २५  जनामा कोभिड संक्रमण देखिएको छ । 

स्वास्थ्य तथा जनसंख्या मन्त्रालयका अनुसार पीसीआर विधिबाट गरिएको परीक्षणमा सात हजार दुई सय २० र एन्टिजेन परीक्षण गर्दा दुई सय पाँच जनामा संक्रमण पुष्टि भएको छ । 

पछिल्लो २४ घण्टामा २० हजार चार सय ५३ जनामा परीक्षण गरिएको थियो । योसँगै हालसम्म संक्रमित हुनेको संख्या पाँच लाख २० हजार चार सय ६१ पुगेको छ । 

पछिल्लो २४ घण्टामा सात हजार एक सय ३५ जना संक्रमणमुक्त भएका छन् । योसँगै संक्रमण मुक्त हुनेको संख्या तीन लाख ९८ हजार चार सय ८३ पुगेको छ । 

गत २४ घण्टामा कोभिडबाट एक सय ८५ जनाको ज्यान गएको छ ।

यससँगै नेपालमा हालसम्म ज्यान गुमाउनेको संख्या ६ हजार पाँच सय ३१ पुगेको छ ।