काठमाडाैं । जयनगर-जनकपुर-भंगहा रेल सेवा तीन दिन बन्द हुने भएकाे छ ।

भारतकाे मधुवनीको भंझारपुर संसदीय क्षेत्रमा आगामी मंगलबार लोकसभाको चुनाव हुने भएकाले आइतबारदेखि मंगलबारसम्म रेलसेवा पूर्ण रुपमा बन्द रहने नेपाल रेल्वे कम्पनी लिमिटेडले सूचनामार्फत जानकारी दिएकाे छ ।

भारत मधुवनीको भंझारपुर संसदीय क्षेत्रमा ७ मे २०२४ (वैशाख २५) मा लोकसभा चुनाव हुँदैछ । चुनावको २४ घण्टा अगावै बोर्डर सिल गर्ने गरिएकाे छ । साेहीअनुसार वैशाख २३ गतेदेखि २५ गतेसम्म रेल सेवा बन्द हुन लागेकाे कम्पनीले जनाएकाे छ ।

बुधवारदेखि पुनः रेलसेवा नियमित सञ्चालन हुने सूचनामा उल्लेख छ ।