काठमाडौँ । जल तथा मौसम विज्ञान विभागले देशका हिमाली तथा पहाडी भूभागमा बदली रही केही स्थानमा वर्षा भइरहेको जनाएको छ। कोशी, बागमती र गण्डकी प्रदेशका पहाडी क्षेत्रमा मेघगर्जन तथा चट्याङसहित वर्षाको सम्भावना रहेको छ भने कोशी प्रदेशका केही स्थानमा भारी वर्षा हुन सक्ने पूर्वानुमान गरिएको छ।

यता लुम्बिनी र सुदूरपश्चिम प्रदेशका तराई क्षेत्रमा तातो लहरको सम्भावना रहेको विभागले जनाएको छ। मौसमविद्ले भारी वर्षा, चट्याङ तथा तातो लहरबाट प्रभावित हुन सक्ने क्षेत्रका नागरिकलाई सतर्कता अपनाउन आग्रह गरेका छन्।